Plantun de Prouvènço

Pèr coumpara dos planto d'encò nostre

Ranunculus sceleratus & Vicia peregrina

Ranouncle(-di-fueio-d'àpi)

Ranunculus sceleratus

Ranunculaceae

Àutri noum : Renouncle, Jaunoun.

Nom en français : Renoncule scélérate.

Descripcioun :
Planto annalo que pau faire mai de 50 cm d'aut, de canau e di relarg umide. Si cambo soun bèn drecho e si fueio lusènto ; douno de pichòti flour jauno emé de gros carpello que fan uno gibo sus le dessubre. Li fueio soun de dos meno diferènto ; aquésti d'en bas soun un pau roundo e dounon d'èr à-n-aquéli de l'àpi, au contro de li d'en aut que soun coumpausado de tres partido lineàri.

Usanço :
Aquéu ranouncle, coume proun, es uno planto empouisounanto. Brulo la pèu e avisas-vous de lou pas manja qu'èi forço marrit pèr lou vèntre e li ren. Parèis que de lou manja fai veni un sourrire embefia.

Port : Erbo
Taio : 10 à 100 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Ranunculus
Famiho : Ranunculaceae

Ordre : Ranunculales

Coulour de la flour : Jauno
Petalo : 5
Ø (o loungour) flour : 0,6 à 0,8 cm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun
Remarco :
Abriéu à setèmbre

Liò : Palun - Ribiero
Estànci : Mesoumediterran à Coulinen
Couroulougi : Bourealo
Ref. sc. : Ranunculus sceleratus L., 1753

Vesso(-di-gròssi-dóusso)

Vicia peregrina

Fabaceae Leguminosae

Noms en français : Vesce voyageuse, Vesce à gousses larges.

Descripcioun :
Vesso que rebalo e pièi que grimpo. Se recounèis à si flour soulitàri e vióuleto pourtado pèr un pichot pecou e peréu à si fueio emé 3 à 7 paréu de fuioun forço prim. Fai de gròssi dóusso de 3 à 4 cm. Ei bessai poussible de s'engana emé Vicia lathyroides, mai aquelo a de fueioun mai larg e ges de pecou que l'estaco à la cambo. Coumpara emé la vesso-fausso-jaisso.

Usanço :
Ramenten qu'èi pas counseia de manja de grano de vesso, que soun empouisounanto e dounon uno malautié néuroulougico, lou latirisme (presènci d'ODAP).

Port : Erbo
Taio : 20 à 50 (100) cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Vicia
Famiho : Fabaceae
Famiho classico : Leguminosae

Ordre : Fabales

Coulour de la flour : Vióuleto
Petalo : irreguliero
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 0 à 600 m
Aparado : Noun

Liò : Tepiero seco - Champ - Colo
Estànci : Termoumediterran à Subremediterran
Couroulougi : Pancaro entresigna
Ref. sc. : Vicia peregrina L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Ranunculus sceleratus & Vicia peregrina

ges

RRR

ges

Coumpara Ranouncle(-di-fueio-d'àpi) emé uno autro planto

Coumpara Vesso(-di-gròssi-dóusso) emé uno autro planto